Nola yarəb mənə də Kərbübəla qismət ola, Vadiyi-eşqə yetəm, orda əza qismət ola. Arizu eləmişəm ney kimi nalə eləyəm, Neynəvadə mənədə ah nəva qismət ola. Dərdimə çarəni mən Kərbübəladən tapdım, Yolunu sal bu yerə dərdə dəva qismət ola. Kim edib Ali Əbayə nə qədər cövri-cəfa, Ruzi-Məşhərdə ona cövri-cəfa qismət ola. Bu qəmi duymasan aləmdə nə aşiqsən sən, Tut əza , istər isən zövqi-səfa qismət ola. Hüseyn eşqinə bir damla gözündən yaş tök, Sənə qoymaz o qiyamətdə cəza qismət ola. Səlim, eşqin yolun aləmdə bir an tərk etmə, Sənə istərsən əgər hüsni-bəqa qismət ola .